ديوان عبد الرحمان المجذوب
شافوني اكحل مغلف يحسبوا ما فيا دخيرة ... و انا كيف الكتاب المؤلف فيه منافع كثيرة
كسبت في الدهر معزة و جبت كلام رباعي ... ماذا من عطاه ربي و يقول عطاني دراعي
لا تخمم لا تدبر لا ترفد الهم ديما ... الفلك ما هو مسمر و لا الدنيا مقيمة
يا صاحبي كن صبار اصبر على ما جرى لك ... ارقد على الشوك عريان حتى يطلع نهارك
نرقد على الشوك عريان او نضحك للي جفاني ... نصبر لنعوس الايام حتى ياتي زماني
الهم يستهل الغم و السترة ليه مليحة ... رد الجلدة على الجرح تبرا و تولي صحيحة
نوصيك يا حارث الشيح و الشيح فيه المرورة ... اللي تظن و تقطع عليه تاتيك منو الضرورة
نوصيك يا حارث الدوم و الدوم كثروا انفاعو ... الدم ما ينفع الدم يا ويل من خانوه ا دراعو
الصمت حكمة و منو تتفرق الحكايم ... لو ما نطق ولد اليمامة ما يجيه وليد الحنش هايم
الصمت الذهب المسجر و الكلام يفسد المسالة ... اذا شفت لا تخبر و اذا سالوك قل لا لا
نوصيك يا واكل الراس في البير ارمي عظامو ... اضحك و العب مع الناس فمك متن لو لجامو
يا زارع الخير حبة يا زارع الشر ياسر ... مول الخير ينبا و مول الشر خاسر
لا تخمم في ضيق الحال شوف الاض الله ما اوسعها ... الشدة تهزم الارذال اما الرجال لا تقطعها
انا اللي كنت ثقيل و رزين و خفيت بعد الرزانة ... مشيت للرماد عامين اندور فيه على السخانة
عميت و صميت و خفيت بعد الرزانة ... واش كانون عامين نستنى فيه السخانة
عيطت عيطة حنينة فيقت من كان نايم ... ناضوا قلوب المحنة و رقدوا قلوب البهايم
اللفت ولات شحمة و تنباع بالسوم الغالي ... في القلوب ما بقات رحمة شوف لحالي يا العالي
مني منك يا كحل الراس ما شينك بطبيعة ... السن يضحك للسن و القلب فيه الخديعة
سافر تعرف الناس و كبير القوم طيعو ... كبير الكرش و الراس بنص فلس بيعو
طاقوا على الدين تركوه و تعاونوا على شريب القهاوي ... الثوب من فوق نقوه و الجبح من تحت خاوي
لا تسرج حتى تلجم و اعقد عقدة صحيحة ... لا تتكلم حتى تخمم لا تعود لك فضيحة
ما ازين النسا بضحكات لو كان فيها يدوموا ... الحوت يعوم في الماء و هما بلا ما يعوموا
سوق النساء سوق مطيار يا داخلو رد بالك ... يوريوا لك من الربح قنطار و يديوا لك راس مالك
يا اللي تعيط قدام الباب عيط و كون فاهم ... ما يفسد بين الاحباب غير النساء و الدراهم
فاعل الخير هنيه بالفرح و الشكر ديما ... و فاعل الشر خليه فعلو يرجع له غريمة
الارض فدان ربي و الخلق مجموع فيها ... عزرايل حصاد فريد مطامرو في كل جهة
كل دواي مسموم يجيب الهلكة لراسو ... و يستهل ضربة بموس حتى يبانوا اضراسو
ضربوه يستهل الضرب و الطريحة معمول عليها ... هذاك جزا من يوسع على الناس و نفسو يضيق عليها
الراجل بلا مال محقور في الدنيا ما يسوى شي ... المشرار كيف الدلو المقعور يوصل للماء يرجع بلا شي
نخدم على المال و نطيح و المال بيت الطناخة ... رجل بلا مال كالريح مشرار و يحب الشياخة
الشر ما يظلم حد غير من جبده لراسو ... في الشتاء يقول البرد و في الصيف يغلبه نعاسو
ضربت كفي لكفي و خممت في الارض ساعة ... صبت قلة الشي ترشي و تنوض من الجماعة
الشاشية تغطي الراس الوجه تضويه الحسانة ... المكسي يقعد مع الناس العريان نوضوه من حدانا
يا ذا الزمان يا الغدار يا كاسر لي من دراعي ... طيحت من كان سلطان و ركبت من كان راعي
درت مطمورة في راس رافروف و متنتها من كل جانب ... عهدي بالمطمورة متينة ساعة من تحت شارب
سور الرمل لا تعليه و لا تعمق في لساسو ... ولد الناس لا توصيه يكبر و يولي لناسو
القمح يسموه الربح دريه يمشي غبارو ... القلب اللي كان مهموم اللون يعطي اخبارو
القمح هو الربح و دريه يصفى غبارو ... اذا بغيت تنجى من الناس من البلا تنحي صغارو
الخبز يا الخبز و الخبز هو الافادة ... لو ما كان الخبز ما يكون دين و لا عبادة
نوصيك يا كاسر الخبز اعمل الكسرة الصغيرة ... راه اللي جاك مرهام يرفد الكسرة الكبيرة
الخيل هبة من الريح و الابل هي الشريفة ... البغل قرصة من الهند و الحمار هو العيفة
اللي يركب يركب اشهب طرز الذهب في لجامو ... اللي يدور يقول كلمة الحق يدير هراوة في حزامو
انا اللي رقيت في رقية و قعدت مثل الرصاص نذوب ... من لا يقرا للزمان عقوبة يجي على راسو مقلوب
نوصيك يا واكل الخوخ من عشرة رد بالك ... في النهار تظل منفوخ و في الليل تبات هالك
مهبول من يحرث الفول في شط مالح يلوحو ... مهبول من ياخذ القول في صاحب عوض روحو
الدنيا مثلها دلاعة تتكركب مع جميع الدلاع ... الحاذق يعطي معاها ساعة و الجايح غادى معاها قاع
جحش البغل لا تغنجيه و بالزيت تدهني جلوده ... الصك و العض فيه هاذيك عادة جدوده
اذا ناض ريحك لوح التبن طول قامة ... و اذا ما ناض لا تدوي و اطلب غير السلامة
بهت النساء بهتين من بهتهم جيت هارب ... يتحزموا باللفاع و يتخللوا بالعقارب
كيد النساء كيدين و من كيدهم يا حزوني ... راكبة على ظهر السبع و تقول الحداء ياكلوني
حديث النساء يونس و يعلم الفهامة ... يديروا شركة مع الريح و يحسنوا لك بلا ماء
الدنيا مثلها مثل دراعة ما يلبسها غير اللي يشطح ... يلبسها و يدوح بها ساعة و ينكد عليها بعد ما يفرح
الدنيا مثلها الدلاعة تتقرقب ما بين الدلاع ... ماذا لحقوها من طماعة و رماتهم في بير ما لو قاع
حطيتها تبرد جاء من لقفها سخونة ... هذا دواء من يبرد خير المواكل سخونة
تخلطت و لا بغات تصفا و لعب خزها فوق ماها ... الرياس على غير مرتبة هوما سباب خلاها
حوست شعبان و عرقوب و حوست عرب الزناقي ... المال قطعة من القلب جربتها من عناقي
من جاور الجواد جاد بجودهم و من ناسب الارذال خاب ضناه ... و من جاور قدرة انطلى بحمومها و من جاور صابون جاب نقاه
فاعل الشر مقبوض فاعل الخير سالك ... بالك بالك بدراهمك جيبتها لك
شيباني وفنا عمرو يخمم من علق لاصقين في لهاتو ... هذاك بيه هم المرا غير عزوه يا ناس في حياتو
الكاتبة تنادي و معاها الخير و لو كان من بعيد تجيها ... و الخاطي عليك من يديك يطير رزقك من قبل ما هو فيها
وحدة رخيصة بميات ألف ووحدة غالية بجلد قعود ... وحدة تجيب الخير معاها ووحدة تطردو بعمود
نوصيك يا حارث القديم بالك من دخانها لا يعميك ... لا تدي المراة المعفونة تتعاون هي و الزمان عليك
اللي يركب يركب ازرق شعرة بشعرة سبيبو ... و اللي يصحب يصحب العبد في كل حزة يصيبو
الاجواد ما يقولوا لا لا و حديثهم خطا و صواب ... اذا قالك روح و تعالى هذيك ا يمارة الكذاب
من لا يطعمك عند جوعك و لا يحضر لك في مصايب ... لا تحسبو من فزوعك قد حاضر قد غايب
خبزة و القلب مشروح و الضحك هو ايدامه ... خزار و الكبش مذبوح ما يلذشي علي طعامه
ما كان كيف الحرث تجارة ما كاين كيف الأم حبيب ... ما كان كيف الشر خسارة ما كاين كيف الدين طبيب
يا لايم لا تلومني في وسط الناس و اذا عينك في الملامة فرزني ... الفضة الصافية ولات نحاس و الثوب اللي كان وافي عراني
حبيبي ان كان غضب ما صبت لو طب بعد المحبة جفاني ... نجيب القهوة و نصب و نحدثو بالمعاني
أنا قلبي رهيف ما يحمل تكليف و انتم يا لطيف ما فيكم رحمة ... رفدتونا منين كان الحمل خفيف سيبتونا منين صرنا ضعفة
جبت اولادي يقلعوا تنكادي زادوني تنكاد على تنكاد ... اذا كانوا الاولاد كيف اولادي لا يعطي لضانيين اولاد
قلبي تقطع بالمواس ما جا بر فين نلوحو ... من كان كواي للناس يصبر لكيات روحو
يا قايل العار كيفاش يحلى كلامك ... تمرض و لا عدت تزار و تتفكر الناس عارك
مثلت روحي لحمام مبني على صهد نارو ... من فوق ما بان دخان و من تحت طابوا احجارو
من الثلج عملت مطرح بالهوا غطيت الروح ... من القمر عملت مصباح بالنجوم ونست روحي
قلبي جاء بين المعلم و الزبرة و الحداد مشوم ما يشفق عليه ... يردف لو الضربة على الضربة و اذا برد يزيد النار عليه
ما يرقد في الليل مهموم اللي يحمل الذل مانع ... ما يغسل العرض صابون ما يقلب القلب صانع
خفيف الاقدام ينمل لو كان وجهو مراية ... قليل الاكتاف ينذل لو كان جهدو عتاية
الامان يا ابني الامان و الامان يقطع الرقبة ... حطيت يا ابني الاحسان جبت البلاء بلا سبة
حبيبك حبو و السر اللي بينكم اخفيه ... اذا حبك حبو اكثر و اذا تركك لا تسال عليه
الصاحب لا تلاعبو و الناعر لا تفوت عليه ... اللي حبك حبو اكثر و اللي باعك لا تشريه
اه يا محنتي عدت خماس و التبن عما عيوني ... خمست على عرة الناس كي يوجد العشا يزعكوني
مكتوب ربي نوديه و الصبر واجب علينا ... و اللي نحبوه نخليه يا ناس ما اعتاها غبينة
اذا هي دنيتك مهمومة و زمانك ما هو معك مليح ... خلي الدرسة في التبن ملمومة و استنى حتى يهب الريح
يا قلب نكويك بالنار و اذا بريت نزيدك ... يا قلب خلفت لي العار و تريد من لا يريدك
يا قلبي يا حامل الماء للعقبة و يا طراد الشمس مالك الا مهبول ... لا تبغي من لا يحبك بمحبة و اذا حبك القلب غير خلي الناس تقول
اللي بغانا نبغيوه على محبة الله نلمو ... و اللي جفانا نجفوه هذاك تهنية منو
اللي حب الطلبة نحبوه و نعملوه فوق الراس عمامة ... و اللي كره الطلبة نكرهوه حتى لغدا يوم القيامة
يا ويل من طاح في بير و صعب عنو طلوعو ... فرفر ما صاب جنحين يبكي حتى سالوا دموعو
مثلت روحي لتبيب في كل شجرة ينادي ... يعيط يا قلة الحبيب يا خروجي من بلادي
لا في الجبل واد معلوم و لا في الشتا ريح دافي ... لا في العدو قلب مرحوم و لا في النسا عهد وافي
راح ذاك الزمان و ناسو و جا ذا الزمان بفاسو ... و كل من يتكلم بالحق كسروا له راسو
السابق من الخيل تعتر و ربي يدبر عليها ... و اذا ينكلخ الفم ربي لا يحاسبني عليها
اعطاتو الكف و الدف حتى رداتو مثل الرغيفة ... تقول دقيقها مسلف او كتسال للمعلم حسيفة
الدنيا يكنيوها ناقة اذا عطفت بحليبها ترويك ... و اذا عطفت ما تشد فيها لباقة تتكفح و لو كان في يديك
يا حسرا بعد اللية و الزبدة الطرية عدت نكدد في عظام الراس ... و من بعد ركوبي على الشاحب العلوية عاد ركوبي على بغل نكاس
العبد اللي كان مذوب ما تعيبو كحولة ... و الحر اللي كان مجعوب ما يسوى نص فولة
الشواف يشوف من قاع القصعة و الغربال تشوف منو كاع الناس ... الكيس يعفس على راس اللفعة و العوام يعوم في بحر لا يقاس
المصبط ما دارى بالحافي و الزاهي يضحك على الهموم ... اللي راقد على القطيفة دافي و العريان كيف يجيه النوم
القرد مشى للغرب و الذيب دب لراسو ... لو كان الخير في البصل ما ينغرس على راسو
احرث يا الحراث و طيب راس المراجع ... راه مال التجار ما زال ليك راجع
لا تجري لا تهقهق و امشي مشية موافقة ... ما تدي غير اللي انكتب لك لو كان تموت بالشقا
اللي حبك حبو و في محبتو كون صافي ... و اللي كرهك لا تسبو و خليه تلقى العوافي
اللي طارت من سعود ايامها تتخبل في ريشها و تعيش ... و اللي قعدت تا تعوس ايامها ما هي بالصحة و لا بالريش
الطير الطير ما ظنيتو يطير من بعد ما والف ... خلى قفصي و عمر قفص الغير رماني في بحور وخلاني تالف
يا من درى شي الحال يصبح و تدوم لينا الشميسة ... اللي عاش لابد يفرح و تزول عليه الغبنة والتغوبيشة
يا ناس من شاف دمي غابت عني السمية ... للبحر نشكي بهمي ينشف يولي تنية
الزيت يخرج من الزيتونة و الفاهم يفهم لغات الطير ... اللي ما تخرج كلمتو ميزونة يحجرها في ضميرو خير
اللي علينا احنا درناه و اللي على الله هو به ادرى ... خيط المحبة فنيناه ما خصاتو غير المدرا
الناس قالوا لي عجايب و انا طريقي مسرور ... اذا صفيت مع ربي العبد ما فيه ضرور
عينك و حواجبك سود و سوالفك هندويلة ... يا نابشة الارض بالعود اتكلمي يا هبيلة
يا الجايزات في الطريق يا مقورين العمايم ... في راسكم شي عناية ا ولا غي راتعين كيف البهايم
مسكين من ماتت امو و باباه في الحج غايب ... و ما صاب حدان يلفو و ضحا بين الدواور سايب
حجيت سبع حجات و تبت سبع توبات ... رجيت نفسي تبقى لغيرها لا بات
شفيتني يا المسكين و شفاني حالك ... الزين ما تاخذو و الدين ما ينعطا لك
ادهن السير يسير و به ترطاب الخرازة ... النقبة تجيب الطير من باب سوس لتازة .
شافوني اكحل مغلف يحسبوا ما فيا دخيرة ... و انا كيف الكتاب المؤلف فيه منافع كثيرة
كسبت في الدهر معزة و جبت كلام رباعي ... ماذا من عطاه ربي و يقول عطاني دراعي
لا تخمم لا تدبر لا ترفد الهم ديما ... الفلك ما هو مسمر و لا الدنيا مقيمة
يا صاحبي كن صبار اصبر على ما جرى لك ... ارقد على الشوك عريان حتى يطلع نهارك
نرقد على الشوك عريان او نضحك للي جفاني ... نصبر لنعوس الايام حتى ياتي زماني
الهم يستهل الغم و السترة ليه مليحة ... رد الجلدة على الجرح تبرا و تولي صحيحة
نوصيك يا حارث الشيح و الشيح فيه المرورة ... اللي تظن و تقطع عليه تاتيك منو الضرورة
نوصيك يا حارث الدوم و الدوم كثروا انفاعو ... الدم ما ينفع الدم يا ويل من خانوه ا دراعو
الصمت حكمة و منو تتفرق الحكايم ... لو ما نطق ولد اليمامة ما يجيه وليد الحنش هايم
الصمت الذهب المسجر و الكلام يفسد المسالة ... اذا شفت لا تخبر و اذا سالوك قل لا لا
نوصيك يا واكل الراس في البير ارمي عظامو ... اضحك و العب مع الناس فمك متن لو لجامو
يا زارع الخير حبة يا زارع الشر ياسر ... مول الخير ينبا و مول الشر خاسر
لا تخمم في ضيق الحال شوف الاض الله ما اوسعها ... الشدة تهزم الارذال اما الرجال لا تقطعها
انا اللي كنت ثقيل و رزين و خفيت بعد الرزانة ... مشيت للرماد عامين اندور فيه على السخانة
عميت و صميت و خفيت بعد الرزانة ... واش كانون عامين نستنى فيه السخانة
عيطت عيطة حنينة فيقت من كان نايم ... ناضوا قلوب المحنة و رقدوا قلوب البهايم
اللفت ولات شحمة و تنباع بالسوم الغالي ... في القلوب ما بقات رحمة شوف لحالي يا العالي
مني منك يا كحل الراس ما شينك بطبيعة ... السن يضحك للسن و القلب فيه الخديعة
سافر تعرف الناس و كبير القوم طيعو ... كبير الكرش و الراس بنص فلس بيعو
طاقوا على الدين تركوه و تعاونوا على شريب القهاوي ... الثوب من فوق نقوه و الجبح من تحت خاوي
لا تسرج حتى تلجم و اعقد عقدة صحيحة ... لا تتكلم حتى تخمم لا تعود لك فضيحة
ما ازين النسا بضحكات لو كان فيها يدوموا ... الحوت يعوم في الماء و هما بلا ما يعوموا
سوق النساء سوق مطيار يا داخلو رد بالك ... يوريوا لك من الربح قنطار و يديوا لك راس مالك
يا اللي تعيط قدام الباب عيط و كون فاهم ... ما يفسد بين الاحباب غير النساء و الدراهم
فاعل الخير هنيه بالفرح و الشكر ديما ... و فاعل الشر خليه فعلو يرجع له غريمة
الارض فدان ربي و الخلق مجموع فيها ... عزرايل حصاد فريد مطامرو في كل جهة
كل دواي مسموم يجيب الهلكة لراسو ... و يستهل ضربة بموس حتى يبانوا اضراسو
ضربوه يستهل الضرب و الطريحة معمول عليها ... هذاك جزا من يوسع على الناس و نفسو يضيق عليها
الراجل بلا مال محقور في الدنيا ما يسوى شي ... المشرار كيف الدلو المقعور يوصل للماء يرجع بلا شي
نخدم على المال و نطيح و المال بيت الطناخة ... رجل بلا مال كالريح مشرار و يحب الشياخة
الشر ما يظلم حد غير من جبده لراسو ... في الشتاء يقول البرد و في الصيف يغلبه نعاسو
ضربت كفي لكفي و خممت في الارض ساعة ... صبت قلة الشي ترشي و تنوض من الجماعة
الشاشية تغطي الراس الوجه تضويه الحسانة ... المكسي يقعد مع الناس العريان نوضوه من حدانا
يا ذا الزمان يا الغدار يا كاسر لي من دراعي ... طيحت من كان سلطان و ركبت من كان راعي
درت مطمورة في راس رافروف و متنتها من كل جانب ... عهدي بالمطمورة متينة ساعة من تحت شارب
سور الرمل لا تعليه و لا تعمق في لساسو ... ولد الناس لا توصيه يكبر و يولي لناسو
القمح يسموه الربح دريه يمشي غبارو ... القلب اللي كان مهموم اللون يعطي اخبارو
القمح هو الربح و دريه يصفى غبارو ... اذا بغيت تنجى من الناس من البلا تنحي صغارو
الخبز يا الخبز و الخبز هو الافادة ... لو ما كان الخبز ما يكون دين و لا عبادة
نوصيك يا كاسر الخبز اعمل الكسرة الصغيرة ... راه اللي جاك مرهام يرفد الكسرة الكبيرة
الخيل هبة من الريح و الابل هي الشريفة ... البغل قرصة من الهند و الحمار هو العيفة
اللي يركب يركب اشهب طرز الذهب في لجامو ... اللي يدور يقول كلمة الحق يدير هراوة في حزامو
انا اللي رقيت في رقية و قعدت مثل الرصاص نذوب ... من لا يقرا للزمان عقوبة يجي على راسو مقلوب
نوصيك يا واكل الخوخ من عشرة رد بالك ... في النهار تظل منفوخ و في الليل تبات هالك
مهبول من يحرث الفول في شط مالح يلوحو ... مهبول من ياخذ القول في صاحب عوض روحو
الدنيا مثلها دلاعة تتكركب مع جميع الدلاع ... الحاذق يعطي معاها ساعة و الجايح غادى معاها قاع
جحش البغل لا تغنجيه و بالزيت تدهني جلوده ... الصك و العض فيه هاذيك عادة جدوده
اذا ناض ريحك لوح التبن طول قامة ... و اذا ما ناض لا تدوي و اطلب غير السلامة
بهت النساء بهتين من بهتهم جيت هارب ... يتحزموا باللفاع و يتخللوا بالعقارب
كيد النساء كيدين و من كيدهم يا حزوني ... راكبة على ظهر السبع و تقول الحداء ياكلوني
حديث النساء يونس و يعلم الفهامة ... يديروا شركة مع الريح و يحسنوا لك بلا ماء
الدنيا مثلها مثل دراعة ما يلبسها غير اللي يشطح ... يلبسها و يدوح بها ساعة و ينكد عليها بعد ما يفرح
الدنيا مثلها الدلاعة تتقرقب ما بين الدلاع ... ماذا لحقوها من طماعة و رماتهم في بير ما لو قاع
حطيتها تبرد جاء من لقفها سخونة ... هذا دواء من يبرد خير المواكل سخونة
تخلطت و لا بغات تصفا و لعب خزها فوق ماها ... الرياس على غير مرتبة هوما سباب خلاها
حوست شعبان و عرقوب و حوست عرب الزناقي ... المال قطعة من القلب جربتها من عناقي
من جاور الجواد جاد بجودهم و من ناسب الارذال خاب ضناه ... و من جاور قدرة انطلى بحمومها و من جاور صابون جاب نقاه
فاعل الشر مقبوض فاعل الخير سالك ... بالك بالك بدراهمك جيبتها لك
شيباني وفنا عمرو يخمم من علق لاصقين في لهاتو ... هذاك بيه هم المرا غير عزوه يا ناس في حياتو
الكاتبة تنادي و معاها الخير و لو كان من بعيد تجيها ... و الخاطي عليك من يديك يطير رزقك من قبل ما هو فيها
وحدة رخيصة بميات ألف ووحدة غالية بجلد قعود ... وحدة تجيب الخير معاها ووحدة تطردو بعمود
نوصيك يا حارث القديم بالك من دخانها لا يعميك ... لا تدي المراة المعفونة تتعاون هي و الزمان عليك
اللي يركب يركب ازرق شعرة بشعرة سبيبو ... و اللي يصحب يصحب العبد في كل حزة يصيبو
الاجواد ما يقولوا لا لا و حديثهم خطا و صواب ... اذا قالك روح و تعالى هذيك ا يمارة الكذاب
من لا يطعمك عند جوعك و لا يحضر لك في مصايب ... لا تحسبو من فزوعك قد حاضر قد غايب
خبزة و القلب مشروح و الضحك هو ايدامه ... خزار و الكبش مذبوح ما يلذشي علي طعامه
ما كان كيف الحرث تجارة ما كاين كيف الأم حبيب ... ما كان كيف الشر خسارة ما كاين كيف الدين طبيب
يا لايم لا تلومني في وسط الناس و اذا عينك في الملامة فرزني ... الفضة الصافية ولات نحاس و الثوب اللي كان وافي عراني
حبيبي ان كان غضب ما صبت لو طب بعد المحبة جفاني ... نجيب القهوة و نصب و نحدثو بالمعاني
أنا قلبي رهيف ما يحمل تكليف و انتم يا لطيف ما فيكم رحمة ... رفدتونا منين كان الحمل خفيف سيبتونا منين صرنا ضعفة
جبت اولادي يقلعوا تنكادي زادوني تنكاد على تنكاد ... اذا كانوا الاولاد كيف اولادي لا يعطي لضانيين اولاد
قلبي تقطع بالمواس ما جا بر فين نلوحو ... من كان كواي للناس يصبر لكيات روحو
يا قايل العار كيفاش يحلى كلامك ... تمرض و لا عدت تزار و تتفكر الناس عارك
مثلت روحي لحمام مبني على صهد نارو ... من فوق ما بان دخان و من تحت طابوا احجارو
من الثلج عملت مطرح بالهوا غطيت الروح ... من القمر عملت مصباح بالنجوم ونست روحي
قلبي جاء بين المعلم و الزبرة و الحداد مشوم ما يشفق عليه ... يردف لو الضربة على الضربة و اذا برد يزيد النار عليه
ما يرقد في الليل مهموم اللي يحمل الذل مانع ... ما يغسل العرض صابون ما يقلب القلب صانع
خفيف الاقدام ينمل لو كان وجهو مراية ... قليل الاكتاف ينذل لو كان جهدو عتاية
الامان يا ابني الامان و الامان يقطع الرقبة ... حطيت يا ابني الاحسان جبت البلاء بلا سبة
حبيبك حبو و السر اللي بينكم اخفيه ... اذا حبك حبو اكثر و اذا تركك لا تسال عليه
الصاحب لا تلاعبو و الناعر لا تفوت عليه ... اللي حبك حبو اكثر و اللي باعك لا تشريه
اه يا محنتي عدت خماس و التبن عما عيوني ... خمست على عرة الناس كي يوجد العشا يزعكوني
مكتوب ربي نوديه و الصبر واجب علينا ... و اللي نحبوه نخليه يا ناس ما اعتاها غبينة
اذا هي دنيتك مهمومة و زمانك ما هو معك مليح ... خلي الدرسة في التبن ملمومة و استنى حتى يهب الريح
يا قلب نكويك بالنار و اذا بريت نزيدك ... يا قلب خلفت لي العار و تريد من لا يريدك
يا قلبي يا حامل الماء للعقبة و يا طراد الشمس مالك الا مهبول ... لا تبغي من لا يحبك بمحبة و اذا حبك القلب غير خلي الناس تقول
اللي بغانا نبغيوه على محبة الله نلمو ... و اللي جفانا نجفوه هذاك تهنية منو
اللي حب الطلبة نحبوه و نعملوه فوق الراس عمامة ... و اللي كره الطلبة نكرهوه حتى لغدا يوم القيامة
يا ويل من طاح في بير و صعب عنو طلوعو ... فرفر ما صاب جنحين يبكي حتى سالوا دموعو
مثلت روحي لتبيب في كل شجرة ينادي ... يعيط يا قلة الحبيب يا خروجي من بلادي
لا في الجبل واد معلوم و لا في الشتا ريح دافي ... لا في العدو قلب مرحوم و لا في النسا عهد وافي
راح ذاك الزمان و ناسو و جا ذا الزمان بفاسو ... و كل من يتكلم بالحق كسروا له راسو
السابق من الخيل تعتر و ربي يدبر عليها ... و اذا ينكلخ الفم ربي لا يحاسبني عليها
اعطاتو الكف و الدف حتى رداتو مثل الرغيفة ... تقول دقيقها مسلف او كتسال للمعلم حسيفة
الدنيا يكنيوها ناقة اذا عطفت بحليبها ترويك ... و اذا عطفت ما تشد فيها لباقة تتكفح و لو كان في يديك
يا حسرا بعد اللية و الزبدة الطرية عدت نكدد في عظام الراس ... و من بعد ركوبي على الشاحب العلوية عاد ركوبي على بغل نكاس
العبد اللي كان مذوب ما تعيبو كحولة ... و الحر اللي كان مجعوب ما يسوى نص فولة
الشواف يشوف من قاع القصعة و الغربال تشوف منو كاع الناس ... الكيس يعفس على راس اللفعة و العوام يعوم في بحر لا يقاس
المصبط ما دارى بالحافي و الزاهي يضحك على الهموم ... اللي راقد على القطيفة دافي و العريان كيف يجيه النوم
القرد مشى للغرب و الذيب دب لراسو ... لو كان الخير في البصل ما ينغرس على راسو
احرث يا الحراث و طيب راس المراجع ... راه مال التجار ما زال ليك راجع
لا تجري لا تهقهق و امشي مشية موافقة ... ما تدي غير اللي انكتب لك لو كان تموت بالشقا
اللي حبك حبو و في محبتو كون صافي ... و اللي كرهك لا تسبو و خليه تلقى العوافي
اللي طارت من سعود ايامها تتخبل في ريشها و تعيش ... و اللي قعدت تا تعوس ايامها ما هي بالصحة و لا بالريش
الطير الطير ما ظنيتو يطير من بعد ما والف ... خلى قفصي و عمر قفص الغير رماني في بحور وخلاني تالف
يا من درى شي الحال يصبح و تدوم لينا الشميسة ... اللي عاش لابد يفرح و تزول عليه الغبنة والتغوبيشة
يا ناس من شاف دمي غابت عني السمية ... للبحر نشكي بهمي ينشف يولي تنية
الزيت يخرج من الزيتونة و الفاهم يفهم لغات الطير ... اللي ما تخرج كلمتو ميزونة يحجرها في ضميرو خير
اللي علينا احنا درناه و اللي على الله هو به ادرى ... خيط المحبة فنيناه ما خصاتو غير المدرا
الناس قالوا لي عجايب و انا طريقي مسرور ... اذا صفيت مع ربي العبد ما فيه ضرور
عينك و حواجبك سود و سوالفك هندويلة ... يا نابشة الارض بالعود اتكلمي يا هبيلة
يا الجايزات في الطريق يا مقورين العمايم ... في راسكم شي عناية ا ولا غي راتعين كيف البهايم
مسكين من ماتت امو و باباه في الحج غايب ... و ما صاب حدان يلفو و ضحا بين الدواور سايب
حجيت سبع حجات و تبت سبع توبات ... رجيت نفسي تبقى لغيرها لا بات
شفيتني يا المسكين و شفاني حالك ... الزين ما تاخذو و الدين ما ينعطا لك
ادهن السير يسير و به ترطاب الخرازة ... النقبة تجيب الطير من باب سوس لتازة .
قالوا زمان
عن الصفحة
يزخر المغرب بموسوعة كبيرة من الأمثال الشعبية و التي تنقل لنا خلاصة تجارب آباءنا و أجدادنا كما تقدم لنا حكم و نصائح .. ونحاول من خلال صفحات الموقع المتواضع نقل أكبر عدد منها ونتمنى أن نكون عند حسن الظن..
