أمثال قصيرة
حجة وزيارة
طويل و خاوي
طارت معزة
كبرها تصغار
شدليا نقطعليك
عشاق ملال
زرب تعطل
نارو على منقارو
ماديرش ماتخافش
عينك ميزانك
الَلحية و قلّة لحيا
الوَافِي ما يْحَافِي
الملحة ما تدود
اللي خاف نجا
عاند ولا تحسد
اللي فات مات
حسّي مسّي
برق ما تقشع
هزّك لما
شرّح ملّح
الهم و الغم
انا في همو كندادي وهو فتقلاع وتادي
الهم هم لحمار .أما القط كيتسارا سبع ديار
رضينا بالهم والهم ما رضا بينا درناه عند راسنا صبح عند رجلينا
شي فالضحك غرقان اشي فالهم حيران
الهم المنحوس, خليتو فدار با لقيتو فدار العروس
ما كينسي البنت في امها غير همها
اللَّهُمَّ بْخُّوشَه وْتْونّس وَلاَ يَا قُوتَه وْتْهَوَّسْ
جيت نبيع لحنة كترو الاحزان
الزواج و الموت هم لا يفوت
قالوا سيادنا لوالا
حسابتني كرمة وفيها الكرموص سعا هي خربة و فيها الناموس
شكون داها فيك يا الزميتة في نهار العيد
البعرة كتقلب على ختها اربعين يوم وتقولها مرحبا بريحت الوالدين
اتاي لعشية خير من بقرة مشوية
سيدي على سبة طلق لالا على حزقة
فرحت بلارج بولدو جا يبوسو تقبلو عينو
حتى حزقت عاد طوات رجليها
واش بغيتي الزبدة و فلوس اللبان
ابنادم دربو على حلقو ينسى اللي خلقو
يا الطامع في الزيادة رد بالك من النقصان
العصى ما كتخلي من يعصى
الفقوص من الصغر كيعواج
وريه وريه ولا عمى سير أو خليه
لي شافتو غنو بغات منو
كيدق ويقول شكون
تيدور الزرع حتى كيدور وكيرجع لعين الرحى
يلا بغيتي اتوحش صاحبك سلفو
هدي دار بونا والعبيد يخرجونا
اجي امي نوريك دار خوالي
يلا فاتك الكلام قول اسمعت ويلا فاتك الطعام قول اشبعت
امدح صاحبك قدام الناس و لوم صاحبك الراس فالراس
ما تشري حتى تقلب و ما تصاحب حتى تجرب
الى شفتي موكة خطابة عرف بلارج عريس
الناس ف الناس و القرع ف مشيط الراس
العين صعيبة تتقتل الكسيبة وتخوي الزريبة,لهلا يسلطها على الحبيب و الحبيبة,و لو كان الصفيحة ترد العار كن رداتو عل الحمار
دابا كلينا وشربنا ونسينا الحرابل باش سعينا
دخانهم عمانا وطعامهم ما جانا
النهار المبارك عليك واحد يغديك و واحد يعشيك و النهار الصكع عليك واحد يدعيك و واحد يشهد فيك
المزغوب حتى ليلة عرسو قصيرة
قالوا سيادنا لوالا
عند رخصو تخلي نصو
لمكسي بديال الناس عريان
جوج ايهود على قنفود
سال المجرب ماتسال الطبيب
عين بنادم مايعمرها غي التراب
السلطان بالتاج و كيحتاج
الخُبْز والمَا مَا تْخَلِّي عَلَى القَلْبْ غمَّه
الدوام يثقب الرخام
دير ما دار جارك ولا حول باب دارك
لوجه المشروك عمر ما يصف
باش تاكل الشوك أ عمي الجمل, باللسان لحلو
لحوانت متصافه و الارزاق مختلفة
لفياق بكري بالذهب مشري
الى تقادو لكتاف يعود الكبير يخاف
الكلب الى ما نبح ماعند مولاه فيه ربح
لي ضروا رسوا, اعاود لرسوا
طاجين الشمايت، النصبا وقلة ليدام
اجيو تعلمو الحسانه في روس اليتامه
الحمار مخبي ووذنيه برّا
إيلا ارخاص الشعير اغلات الحمير
اربط احمارك مع الحمير، يتعلم الشهيق والنهيق وخرجان الطريق
الفقيه اللي نتسناو براكته ادخل للجامع ببلغته
زواج ليلة تدبيره عام
أش خاصك العريان الخواتم آمولاي
دِيرْ عِينْ شَافَتْ وَعِينْ مَا شِافْتْ
اللَّهُمَّ بْخُّوشَه وْتْونّس وَلاَ يَا قُوتَه وْتْهَوَّسْ
العشق المزروب, كله عيوب
تفكر حبيبك و هواه, تفكر فعايلو و نساه
لو كان الصفيحة ترد العار, لو كانت رداتو على الحمار
لي مارضا بخبزة مايرضا بنصها
ضرب لحديد محادو سخون
السفيه ما كينطق غي بلي فيه
ودن صمة و الاخرى فيها الماء
اللي ما جاب لا قلام ولا دواية ما عول على قراية
حتى تطيح الشتى يا قرمان عاد يصبن حوايجو حمان
البكاء مور الميت اخسارة
ملي تنحتاجك يا وجهي كيخبشوك لقطوط
حبوبت وجهي حكيتها سال دمها خليتها طال همها
الجوع و النوع و البكا بلا دموع
كلشي درتولك جديد و السعد ما صبت فيه ما انزيد
عز الخيل مرابطها
جغمة من البحر و لا اجميل الكرابة
حاسبني حساب عدوك و جلسني بلاصت خوك
كن اسبع و كولني
العاتق يلا بارت على سعدها دارت
خود بنت قرابة و لا تاخد بنت غرابة
كلشي كملاتو الدجاحة بقيلها غي لمشي فالليل
دابزو يا الفيران على خميرة الجيران
يد في الطبق و عين على من زهق
سولوا البغل شكو ن باك قال ليهم العود خالي
ندير خبزي تحت باطي ماسمع حد عياطي
غـطـى عيبو بالسطـل وجا يطل
رْحَمْ الله مَنْ زَار وَخَفّفْ
لاَ تْحَـطّْ يَاجُـورَة فُوقْ يَاجُـورَة حَتَّى تَـرْتَاحْ لَلـجُّورَة
تعلى العين حتى تعيا والحاجب فوقها
اللهم مخزن ضالم , أولى قبيلة سايبة.
فلس فالكف و لا عشرة فالسلف
العِيبْ ماشي على من حرث في السطح العيب لي فالموت وكاي يشطح
انا تنكول لحبيبي وحبيبي تايقول لحبيبو وكلامي فين مامشيت نصيبو
مَشْتَاقْ السَرْوالْ كُلُ سَاعَة يْحَلُو
السوق حامي والدّْلاَّلْ رامي والشاري عْوْرْ
كال لو آش المعمول يا قاضي فعيشه، كال لو طلقها وانا ناخدها
ما بين اللقمة و الفم تيريد ويحكم
اللّي...
اللي ماعندو هم كاتولدولوا حمارتو
اللي وصل بلاد غير بلادو خلا الهم لولادو
اللي ما جا بالمحبة مايجي بحزارة
اللي دارها بديه افكها بسنيه
اللي قال العصيدة باردة, ادير يدو فيها
اللي بغى الزين, يصبر لتقيب لودنين
اللي تسحر مع الدراري يصبح فاطر
اللي سبقك بليلة سبقك بحيلة
اللي مشى بلا عراضة يجلس بلا فراش
اللي عضو الحنش كيخاف من الحبل
اللي بغا يدفع البلا يتوضأ للصل
اللي قال ليك العرس ساهل يسقي لو غير الما
اللي بغى لعسل يصبر لقريص النحل
اللي بغى الزين, يصبر لتقيب لودني
اللي ما يخيط كساتو و يطيب غذاتو و يحلب شاتو عزيه فحياتو
اللي درقك بخيط درقو بحيط
اللي عنده امه في البيت يدهن فمه بالـزيت
اللي عندو الزعفران بزاف كيديرو حتى فالبابوش
اللي شفتيها بسعدها عرفها كتكمل من عندها
اللي زرب تعطل
اللي فاتك بليلة فاتك بحيلة
اللي شاف شي يقول الله يستر
اللي ماخرج من الدنيا ماخرج من عقايبها
اللي ما ولدو ما حن عليه
اللي احشم فما ضرو الشيطان غرو
اللي ما عندو سيدو عندو لا لاه
اللي عندو باب وحاد الله يسدو عليه
اللي ما لقى الخير فركانو يكون الخير فلسانو
اللّي ولف الحفَى ينسى صبّاطو
اللي لعب مع الكلب كيلحـس ليه فمو
اللي دار راسو فالنخالة كينقبو الدجاج
اللي ما يغيـر ولا يحير يستاهل النحير
اللي بغى الكراب فالصمايم يصاحبو فالليالي
اللي دار الخير في شعبان يلكاه في رمضان
اللي قال ليك قال عليك
اللي تيشطح ما تيغطيش وجهو
اللي اطيبو المعفونة ياكلو رجلها
اللي ضرقك بخيط ضرقو بحيط
اللي فات مات
اللي اتخدمو طيعو و اللي اترهنو بيعو
اللي حبابو عريانين عمرو ما يتكسى
اللي تطوف ما تغزل الصوف
قالوا سيادنا لوالا
كون كان الخوخ يداوي وكون داوى راسو
سد تصيب ما اتحل
السوم الاول عليه اتعول
قالو اشمتك قالو اعرفتك
كول بشهوتك و لبس بشهوت الناس
الزيادة من راس لحمق
نقا على نقا ما تيورد شقا
شحال ما طال الليل كيصبح النهار
اشعند الميت ما يدير قدام غسالو
الصنعة يلا ما غنات كتستر واقيلة كتزيد فلعمر
حتى قط مكيهرب من دار العرس
الله يعطينا شي نقرة فين يغبر نحاسنا
حتى يخلاق عاد نسميوه عبد الرزاق
انا نشكيلو بالعكر و هو كيقول لي اش خبار الدراري
اعمى بن اعمى لي كيشوف الغيام فالسما و كيدير حيكو فالما
اللي اربحتيه تاكله و الدين باش تخلصو ؟
إلى بغاوك بلا ما تشقى ويلا كرهوك ما تكتر نفقة
ما تعرف العدو من الصديق غير فالشدة والضيق
كلها وحالو وأحوال الناس شلا , واحد بغا المعقول وواحد بغا يتفلا
قولوا الله يهديهم دارو الخير مع الناس ونساو واليدهم
كوليني يا موكة حتى الطيور عافوني
زلقت بيه رجليه طيح الباطل على البلغة
الزين و الجمال
لالة زينة, و زادها نور الحمّام
لا زين لا مجي بكري
الزين يحشم على زينو, و الخايب غير الا هداه اللّه
إلى مشى الزين ابقاو حروفو
اللي بغى الزين, يصبر لتقيب لودنين
الزين في بناتنا سلالة, من العمة للخالة
للا مليحة و زادتها ترويحة
لا مزيانة للمنضر لا خفيفة كتسخر
خايبة و تنوس و لا غزالة و تهوس
الزين ف الدفلة وعروقها حارين
لو كان الزِّين إِيدوم كون كاع البَرْمة مَا تولِّي كُلـها حـموم
حتى زين ما خطاتو لولا
قرد في عين مو غزال
زين المراة ف ضياها وزين العاتق ف حياها
وجه الشارفة ما يخفى, ولو تحكو بالحلفة
رجال و نسا
ديرها فالرجال وترجاها و ديرها فالنسا و لا تنساها
المرا اللي عندها الظـفار عـمَّر القصرِية ما تكُون عندها فالدَّارْ
الْلبَنْ وُالزَّبْـدَة كَــانُوا خْــوَاتَاتْ مَا فَـارْقُوهُمْ غِــيرْ لَـعْيَـالاَتْ
قلب البرمة على فمها, تطلع البنت لمها
هبيل تزوج هبيلة وتهنات القبيلة
الراجل بالهمة أما اللحية راها حتى عند العتروس
اللهم النعاس في الخلا ولا ضيافة البخلا, اللهم النعاس في البرد ولا ضيافة القرد
حزموني ورزموني ولا تعولو عليا
اللِّي كَيْعَمْلُه يَبْلِيسْ فْعَام, تْعْمله العْكُوزَة فْسَاعهْ
حل عينيك قبل الزواج, أما بعدو غير غمضهوم
ما كينسي البنت في امها غير همها
كون أزماني حرش, و ها وجهي بوس و طرش
حماتي للاتي و مراتي مولاتي
مراة المنحوس ما هية مطللقة ما هية عروس
الحنة حرشة و الحناية عمشة و العروسة فيها بو تفتاف
سوق النسا سوق مطيار يا الداخلو رد بالك يوريوك من الربح قنطار ويديوليك راس مال
الراجل بدراعو ماشي بمتاعو
خطب لبنتك و لا تخطب لولدك
نوضوها تشطح دارتها بصح
لو كان الخير فيا ما يتزوج راجلي عليا
خسران المال و لا خسران الرجال
الدليل فالرجال هو اللي كيعطي الضحك لجار و الهم لدار
مشات تيجب القزبر جات حاملة ب سبع الشهر
كون ما كانو حوايج العطار ما فالنسا ما تختار
قالوا سيادنا لوالا
حتى يزيد عاد سميه سعيد
وسواس من الجن ولا وسواس من ابنادم
الله يجيب اللي يفهمنا ولا يعطنشاي
منين كاطيح البقرة تيقواو الجناوا
ما ينفع غير الصحيح اما الراشي كايديه الريح
الجمل ما كيشوفش حدبتو كيشوف غير حدبت خوه
اش يقدك من الصلاة يا البايت بلا اعشى
طلع تاكول الكرموس ونزل شكون قالها ليك
اللحية مكترفد اللحية غير لقبر
الضحك كيخصر البيع و الشرى
ما بين اللقمة و الفم تيريد ويحكم
قالو أش خاصك أ لعريان قالو خاصني خاتم امولاي
كيبيعو الارض ويضحكو على من شراها
باع دارو و كرا عند جارو
عن الصفحة
يزخر المغرب بموسوعة كبيرة من الأمثال الشعبية و التي تنقل لنا خلاصة تجارب آباءنا و أجدادنا كما تقدم لنا حكم و نصائح .. ونحاول من خلال صفحات الموقع المتواضع نقل أكبر عدد منها ونتمنى أن نكون عند حسن الظن..
للاتصال بنا
يمكنكم المشاركة و التواصل معنا دائما عبر بريدنا الالكتروني
